ડરતો નથી કદી

મારી જિંદગીની પીડાઓથી હું ડરતો નથી કદી,
જીવું છું ખુમારીથી, બીજી ચિંતા કરતો નથી કદી.

સંતાપ વ્યાકુળ નથી કરી શક્યો કદીય જિંદગીમાં,
રટણ દુખોનુ કરે તેઓની સાથે ભળતો નથી કદી.

અંધકાર મને ડરાવી નહીં શકે જાણે છે તે પોતેય,
હું તે સૂરજ છું આ ધરતીનો જે ઢળતો નથી કદી.

મહેનત અથાક ફળ આપેજ છે મધુરા દરેક જણને,
આ માનવી પોતાનુ ભવિષ્ય શું ઘડતો નથી કદી ?

હું છું અને મારી આ દુનિયા બસ બહું છે,
જીવું છું, જીવવા દઉં છું કોઈને નડતો નથી કદી.