આ રીતે વહાલ કંઈ કરાય?
ઊભરાયું હોય હેત ટપલીક બે મારીએ પણ સીધો
કાંઈ ધુંબો મરાય?
ઓચિંતા આવીને ધાબા લઞ ઊછળીને
કરવાનુ આવુ તોફાન?
શેરિયુંમા તરતી ઇ કાગળની હોડિયુંનું થોડુંક તો રાખવુંતું ધ્યાન?
ગામ આખું આવે ભાઇ નદીયું માં નહાવાપણ
નદીયું થી ગામમાં ઘરાય?
આ રીતે વહાલ કંઇ કરાય?
એવુ તો કેવુ વરસાવ્યુ પળભરમા તો આંખ્યુ પણ
ઓવરફલો થાય?
ધસમસવું સારું,પણ આટલું તો નહીં જ જેમા છેવટ એક ડૂમો રહી જાય.
ખેતર,અબોલ જીવ શ્વાસ ચૂકી જાય એવો ભીનો
કાંઈ ચીંટીયો ભરાય?
આ રીતે વહાલ કંઈ કરાય?....
~ કૃષ્ણ દવે
No comments:
Post a Comment